مشروع تربية وتسمين الفراخ البيضاء فى المنزل بدون تكلفة وبربح مضمون
مشروع تربية وتسمين الفراخ البيضاء فى المنزل بدون تكلفة وبربح مضمون

https://www.arabsharing.com/do.php?img=260230


عاوز تعمل مشروع تربية وتثمين الفراخ البيضاء و خايف من أن تكاليفة عالية ؟
أو خايف من الخسارة؟
متقلقش وتوكل علي الله وابدء معانا واتبع التعليمات الاتية:-
اولا : أبدء بعدد 60 كتكوت سن يوم بحيث إنك تبيع 50 منهم لما يكبرو والباقي يبقي ليك في بيتك ثانيا: تكون محضر ليهم المكان اللي حتربيهم فيه اهم حاجة مكان مغلق ودافئ وتكون مجهز وصلة إضائة تكون فوقهم علي إراتفاع ربع متر في البداية وتبدء ترفعها بالتدريج كل ما يكبرو حتي تصبح علي إرتفاع متر ونصف في المرحلة الثالثة والاخيرة
اهم حاجة إن الارضية تحتهم تكون مفروشة بجير وفوق الجير نشارة خشب او تبن ولازم الارضية تكون جافة بإستمرار ويتم تنظيف الارضية بإستمرار بمعدل كل يومين وتحوط عليهم في البداية المكان يتحوض علي قدهم
وسقاية المياة تكون صغيرة جدا في المرحلة الاولي علشان ميبلوش نفسهم بالمية
أول ما تجيب الكتاكيت بتجيب لهم جرعة دواء ضد نزلات البرد وجرعة مضاد حيوي
الكتكوت بيحتاج معدل نصف كيلو عليقة بادي مرحلة اولي لكل كتكوت لمدة 12 يوم تقريبا
ثالثا: قبل اﻹنتقال من المرحلة الاولي إلي المرحلة الثانية يتم إحضار كوب صغير مليان عسل إسود مضاف إليه ملعقة صغيرة خل تقلب في العسل جيدا ويتم وضعها علي لتر مياة في السقاية ويشربوها
يتم إحضار جرعة منشطات نمو
الفرخ بيحتاج كيلو عليقة نامي مرحلة ثانية لكل فرخ لمدة 12 تقريبا
رابعا: عند الانتقال من المرحلة الثانية إلي المرحلة الثالثة يتم إحضار جرعة مضاد سموم وجرعة التحول من المرحلة الثانية إلي الثالثة
خامسا: الفرخ بيحتاج لي 2 كيلو عليقة ناهي مرحلة ثالثة لمدة 12 يوم تقريبا
سادسا: في بداية المرحلة الثالثة بيتم التسويق للفراخ والاتفاق علي موعد البيع
المشروع بيكلف مابين 1500ج إلي1700ج تقريبا
ملحوظة:- ممنوع نقل الفراخ من مكانهم المخصص لهم إلي مكان أخر أثناء الدورة علشان ميصابوش بنزلة برد وهما صغيرين
وبالتوفيق للجميع